Енесімен ұрысып, қызын суға батырды: Түркістанда әйел 15 жылға сотталды

Қайғылы оқиға Түркістан облысы Құркелес ауылында болды. 23 жастағы келіншек енесімен жанжалдасып, өз-өзіне қол жұмсамақ болған.

«Қызын қолтықтап, Келес өзеніне мойынының тереңіне дейін кірді. Суда біраз уақыт тұрған әйел суға бата алмай, жағаға шыққан. Ол уақытта бала дем алмай қалған» делінген otyrar.kz хабарламасында.

Аталған факті бойынша қылмыстық іс қозғалды. Түркістан облысының қылмыстық істер жөніндегі мамандандырылған ауданаралық сотының үкімімен әйел 15 жылға бас бостандығынан айырылды.

Ол жазасын қатаң режимдегі колонияда өтейтін болады.