«Енесі бұрынғы келінін ана құқығынан айырмақ»: Атыраудағы екі баланың тағдыры

Атырауда екі баланың анасы Садықова Ақмаралдың ата-ана құқығы шектеліп, одан алимент өндіру туралы талап берілді.  Бірақ бұл шешімнің заңдылығы сотта бірнеше мәрте талқыға түсті. Блогер Рүстем Баязиев жанжалдың бейнежазбасын жариялады, деп хабарлайды Orda.kz.

Бейнежазбада Садықова Ақмаралдың дөрекі сөйлеп жатқан кезі көрсетілген. Рүстем Баязиевтің сөзінше енесі бұрынғы келіні балаларға зорлық көрсеткені жайлы шағымданған, айғақ дәлелдері бар. 

Атырау қаласының білім бөлімі 2023 жылдың маусымында енесі 2015 жылы туған Садық Саид және 2022 жылы туған Садық Ибрахим есімді кәмелетке толмаған балаларының құқығын қорғау мақсатында сотқа жүгініп, анасының ата-ана құқығын шектеуді және алимент өндіруді талап еткен. Бұл талап сотта қараусыз қалдырылды. Себебі анасы әкімдікке шағымданып, заңсыз деп тануын талап етті. 

Бірақ 2024 жылдың 23 қаңтарында апелляциялық сот бірінші сатылы сот шешімін бұзып, талапты кері қайтарды.