Енді оқушылар үш тілді бірден оқымайды

Енді бірінші сыныпта тек қазақ тілі оқытылады. Екінші және үшінші сыныптан орыс тілі мен ағылшын тілі қосылады.

Білім министрлігі мұндай шешімге балалардың бірден үш тілді меңгеруі қиын екенін көрсеткен талдаудан кейін келді.

«Мемлекеттік тілде оқытатын бірінші сыныптардан бастап балалар тек қазақ тілін, екінші сыныптан бастап орыс тілін оқыту жеке пән ретінде басталады. Ал барлық мектептерде үшінші сыныптан бастап ағылшын тілін оқытылады. Бұл ретте балаларды еңбекке баулу мақсатында бірінші сыныптан бастап еңбекке баулу, бейнелеу өнері енгізіледі» деді министр Асхат Аймағамбетов 16 тамызда өткен үкімет отырысында.

Оқу жылының басына қарай Қазақстанда 3,6 млн оқушыны қамтитын 7 637 мектеп жұмыс істейді. Оқу жылы 1 қыркүйекте басталып, 36 аптаға созылады.