Енді электрлі самокаттарды да нөмір болуы міндеттеледі

Енді әрбір прокат самокатына бірегей тіркеу нөмірі беріледі, деп хабарлайды Orda.kz.

Нөмір бір латын әрпінен және бес саннан тұрады және белгілі бір операторға бекітіледі. Сонымен қатар компаниялар барлық самокаттарын арнайы есепке алып, олардың маркасы, сериялық нөмірі және техникалық қызметі туралы мәліметтерді тіркеп отыруы тиіс.

«Тіркеу нөмірі берік материалдан жасалуы керек. Ол ылғалға, күн сәулесіне және температураның ауытқуына төзімді болуы тиіс, сондай-ақ жарық шағылыстыратын жабындысы болуы қажет. Нөмір самокаттың артқы бөлігінде дөңгелектің үстіне, сондай-ақ руль тірегінің екі жағына орналастырылады», деп жазылды хабарламада.

Жаңа талаптар самокаттарды бақылауды жеңілдетіп, қауіпсіздікті арттыруға бағытталған. 

Оқи отырыңыз:

• LRT жол жүру құны шамамен 200 теңге болуы мүмкін
• Ирак жағалауында мұнай танкері жарылып, бір адам ажал құшты