Енді eGov.kz арқылы баланы басқа мектепке ауыстыруға болады

Ата-аналар мен заңды өкілдер енді баланы бір мектептен екіншісіне eGov.kz порталы арқылы оңай ауыстыра алады. 

Бұл туралы Orda.kz хабарлады.

eGov.kz арқылы ата-аналар мектеп таңдауды микроаудандармен шектелмей, кез келген білім беру ұйымын таңдай алады.

Қызметті пайдалану үшін порталға тіркеуден өту, «Білім беру» бөліміне кіру, «Орта білім» бөліміне өтіп, «Балаларды мектептен мектепке ауыстыру үшін құжаттарды қабылдау» қызметін таңдау қажет.
Өтініш электрондық цифрлық қолтаңба арқылы беріледі. Нәтижесін жеке кабинеттен қарауға болады.

Жаңа жүйе тіркеу және бекіту талондарын, жеке істерді тапсыруды қажет етпейді. Өтінішті қажет болған жағдайда қайтарып алуға мүмкіндік береді.