Енді 21 жасқа толмаған тұлғаларға энергетикалық сусындар сатылмауы мүмкін

Сенат кулуарында денсаулық сақтау вице-министрі Тимур Сұлтанғазиев Қазақстанда 21 жасқа толмаған тұлғаларға энергетикалық сусындарды сатуға тыйым салу жоспарын растады, деп хабарлайды Orda.kz порталы.

Бұл ұсынысты алғаш рет денсаулық сақтау экс-вице-министрі  Ажар Ғинаят айтқан болатын. Ол 21 жасқа дейінгілерге энергетикалық сусындарға тыйым салуды жастардың денсаулығына зиян деп түсіндірген еді.

Бұл күнде Тимур Сұлтанғазиев бұл ұсыныстан бас тартпағанын растады.

«Энергетикалық сусындар әсіресе өскелең ұрпақ үшін зиянды, осыған байланысты 21 жасқа толмаған тұлғаларға шектеу (сатылым – авт. еск.) енгізіледі. Бұдан бөлек, біз вендинг аппараттарында сатуға және жарнамаға тыйым салу нормасын қолдап жатырмыз», - деді спикер.

Вице-министр алдағы уақытта Қазақстанда энергетикалық сусындарға, сондай-ақ құрамында қант бар өнімдерге салықты көтеруді де жоспарланғанын тілге тиек етті.