«Еңбекақыны жемеу керек»: Құрылысшылар ғимаратты қиратты

Әлеуметтік желілерде құрылысшылардың салып жатқан ғимаратын қиратып жатқан бейнежазбасы тарап кетті.

Ғаламторда «Түркістандағы құрылысшыларға жалақы төленбейді» деген ақпарат тарады. Бейнежазбадағы құрылысшылар сол себепті өз қолдарымен қалаған кірпіштерді қиратып жатқан көрінеді.

 Түркістан облысы полиция басқармасы баспасөз қызметі толық мәлімет берді. 

«Бейнежазбаны тексеру барысында оның Түркістан қаласындағы құрылыс нысандарының бірінде түсірілгені анықталды» деп түсіндірді ведомство.

Алайда полицияға ешқандай шағым түспегенін айтты. 

«Басқа сұрақтар бойынша салынып жатқан ғимаратқа жауапты ұйымға хабарласу қажет» деп атап өтті облыстық полиция басқармасы.