«Еңбек» РМК филиалының бұрынғы басшысы қамауға алынды

ҚМА Қарағанды облысы бойынша департаменті «Еңбек» РММ филиалының бұрынғы басшыларына аса ірі қаражат жымқыру фактісі бойынша тергеу ісі жүргізіліп жатқанын мәлімдеді, деп хабарлайды Orda.kz.

ҚМА-ның мәліметінше, 2021-2023 жылдар РММ және соның аймақтық филиалы «бір көзбен сатып алу» әдісі бойынша киім және аяқ киім өндірісіне арналған былғары және трикотаж шикізатын жеткізуге 23 келісім-шарт жасаған.

Бір қызығы тауарлар мүлдем жеткізілмеген. 449 млн теңге желге ұшқан.

«Қылмыстық кірісті заңдастыру мақсатында күдіктілер заңмен белгіленген ақшаны қолма-қол айналдыру шегін айналып өтіп, кәсіби ақша жылыстатушы қызметін пайдаланған. Ол ақшаны бөліп, өзінің бақылауындағы 4 жеке кәсіпкердің атынан киім және аяқ киім тігуге арналған тауар жеткізу туралы жалған келісімдер жасаған. Аталған келісімдер мен төлем құжаттары негізінде 122 млн теңге қаражат қолма қол ақшаға айналған»,  деп мәлімдеді ҚМА.

Тұлғалар өз қылмысын жасыру үшін өзінің сенімді адамдарына сатып алынған көлік пен үйін рәсімдеген. Ал ұрланған ақшаға «BMW X6» автокөлігі мен Алматы қаласынан жеке үй алған.