Еңбек келісімшарттарын енді eGov арқылы істеуге болады

Электрондық еңбек шарттарын жасау қарқын алуда. Электрондық түрде жасалынатын Еңбек шарттарын есепке алудың бірыңғай жүйесі енгізілді.

Бұл туралы Orda.kz тілшісі хабарлайды.

Электрондық үкіметтің жеке кабинетінде «Еңбек қызметі» бөлімінде ағымдағы еңбек шарты туралы ақпаратты тексеріп көруге болады. Онда кәсіпорынның атауы, шарттың жасалған күні, нөмірі және лауазымы көрсетіледі.

Бұл процесс қағаз құжаттарды жинау қажеттілігінің болмауына байланысты жұмысқа орналасу процесін жеңілдетеді. Жұмыс берушінің қызметкер алдындағы міндеттемелерін қамтамасыз етеді.

Шарттар қазақ және орыс тілінде жасалуы мүмкін.

Еңбек шарттарын тіркеу enbek.kz сайты арқылы жүзеге асырылады. Ол үшін enbek.kz «Электрондық еңбек биржасы» порталында  тіркелу қажет, кәсіпорын туралы мәліметтер  ЭЦҚ-мен расталуы керек.