Еңбек қауіпсіздігін дұрыс қамтамасыз етпеді: депутат Қазақмысты сынға алды

Ұлытау өңірінде болған қайғылы оқиғадан кейін мәжілісмендер кеншілердің еңбек қауіпсіздігін күшейтуді талап еттті, деп хабарлайды Orda.kz.

Мәжіліс отырысында депутат Арман Қалықовтың  айтуынша, «Қазақмыс» кәсіпорындарындағы жиі қайталанатын жазатайым оқиғалар өнеркәсіптік қауіпсіздік жүйесін қайта құруды қажет етеді.

«Үздіксіз өзгерістер нәтижесінде қауіпті өндірістерде қауіпсіздік мәселелерін бақылауды қамтамасыз ететін мемлекеттік институттар жойылды. Бұл жүйенің үнемі реформалануына байланысты біз бақылаушы мемлекеттік саланы, соның ішінде жоғары білікті мамандар мен инспекторларды жоғалттық. 10 жыл бұрын өнеркәсіптік қауіпсіздік мәселелері бойынша жалғыз республикалық ғылыми институт жабылды. Нәтижесінде техногендік қауіпсіздік саласында ғылыми-әдістемелік база жойылды», — деп атап өтті Қалықов.

Мыс қазба кенішінде газдың жарылуы болмауы тиіс екендігі туралы ақпарат, қауіпсіздік техникасы бұзылғанын көрсетеді, деп сенеді депутат.

«Неге жоғары пайда әкелетін кәсіпорын жылдар бойы еңбек қауіпсіздігін қамтамасыз етпей келеді?! Мұндай техногендік апаттар жыл сайын еліміздің кен орындарында, шахталарында, мұнай кен орындарында қайталанады. Бұл өнеркәсіптік қауіпсіздік мемлекеттік институттарының маңыздылығы мен қажеттілігін айқындайды», — деді ол.

Мәжілісмен бірнеше ұсыныс жасады:

• өнеркәсіптік қауіпсіздік мәселелерімен айналысатын, тікелей премьер-министрге бағынатын жеке мемлекеттік орган құру;
• қауіпті өндірістерде жұмыс істейтін қызметкерлердің өмірі мен денсаулығын сақтандыру жүйесін жетілдіру;
• кеніштердің желдету жүйелерін нормативтерге сәйкестігін тексеру;
• тау-кен кәсіпорындарындағы жабдықтар мен технологияларды жаңғыртуға қаржыландыруды қамтамасыз ету.

Айта кетейік, 17 ақпанда Ұлытау облысының Жаңаарқа ауданындағы «Қазақмыс» корпорациясына қарасты «Жомарт» кен орнында тау жынысы опырылып түсті. Салдарынан жеті адам үйінді астында қалды.

Алдын ала мәліметтер бойынша, жарылысқа табиғи газдың жарылуы себеп болған. Қауіпсіздік ережелерін бұзу бойынша қылмыстық іс қозғалған.