«Ең ауыр атыстың бірі»: Ресейдің Тернопольге шабуылынан кейін 19 адам қаза тапты

19 қарашаға қараған түні Ресей әскери күштері Тернопольдегі үйлерге оқ жаудырды. Украинаның ТЖМ таратқан соңғы мәлімет бойынша 19 адам қаза тауып, 66 адам зардап шекті, деп хабарлайды Orda.kz. 

Оқ тоғыз қабатты екі тұрғын үйді қиратты. Бірі өртке оранса, екіншісінің едендері құлаған. Құтқарушылар бейбіт тұрғындарды үйінділердің астынан шағарып алды. ІІМ басшысы Игорь Клименко апат болған жерде 500 құтқарушы мен жүзден астам техника жұмыс істегенін хабарлады.

Украина президенті Владимир Зеленский Тернопольдегі қырғынды ресми растады. Украина басшысы бүкіл ел бойынша 470-тен астам дрон мен 48 түрлі зымырандар атылғанын хабарлады. Бұл соңғы айлардағы ең үлкен шабуылдардың бірі болды. 

Атыс салдарынан Львов және Ивано-Франковск облыстары да зардап шекті. Сонымен қатар, Киев, Николаев, Черкасс, Чернигов, Днепр, Донецк және Харьков облыстарына да оқ жаудырылған. 

Айта кетейік, Өскемен колониясында белгісіз адамдар мекеме аумағына тыйым салынған заттары бар 9 түйіншек лақтырды. Бағынбаған сотталушыларға қарауыл оқ атты.