Емші Бағдагүл Қазақстанның болашағына болжам жасады

Ақтөбелік сынықшы Бағдагүл Лепесова тікелей эфир кезінде үш жылда Қазақстанда көптеген өзгерістер болатынын болжады.

Оның айтуынша, қыркүйек айында Қазақстан тағы да қиындықтарға тап болады. Бірақ сынықшы нақты қандай қиындық екенін айтпады. Сонымен қатар, ол қиындықтардан кейін елдің ахуалы жақсаратынын мәлімдеді.

«Менің көптеген болжамдарым дәл келеді. Біздің елдегі саясат алдағы үш жылда 90 градусқа өзгереді. Еуропамен араласатын боламыз. Ақшамызда өзгеріс болады. Доллар сияқты үлкен валютаға қосыламыз. Теңге болмайды» деді Бағдагүл Лепесова.

Сынықшы алдағы үш жылда Қазақстанның жағдайы оңалатынын атап өтіп, қазір кәсіп ашуға оңтайлы сәт екенін алға тартты.