Embraer өкілдері ұшақ апатының мән-жайын анықтау үшін Ақтауға келді

Бразилия өндірушісі Embraer өкілдері Azerbaijan Airlines компаниясына  тиесілі ұшақ апат болған Ақтауға келді, деп хабарлайды Orda.kz.

«Әуе кемесінің өндірушісі Embraer компаниясынан тағайындалған өкілдер Чикаго конвенциясының 13-қосымшасына сәйкес Ақтауға келді. Тергеу комиссиясы  оқиға орнында тексеру жұмыстарын жоспарлап отыр», деп хабарлады көлік министрлігі.

Сонымен қатар, жақын күндері Бразилияның авиациялық оқиғаларды тергеу және алдын алу орталығы (CENIPA) да Ақтауға келеді. Осыдан кейін Қазақстан комиссиясы шетелдік мамандармен бірге Ақтауда апатқа ұшыраған ұшақтың қара жәшігін ашуға кіріседі.