Embraer Ақтауда апат болған ұшақта қандай да бір ақау барын жоққа шығарды

Бразилиялық авиация саласындағы Embraer консорциумы Ақтаудағы әуе апатына ұшыраған ұшақтан  ұшуға  кедергі келтіретін ақаулардың анықталмағанын ресми түрде мәлімдеді, деп хабарлайды Orda.kz

Oxu.Az мәліметінше, Azerbaijan Airlines (AZAL) Embraer компаниясы 190 ұшағында болған оқиғаға қатысты қаза тапқан жандардың жақындарына көңіл айтып, ұшақтың ұшып-қонуына ештеңке кедергі келтірмегенін жеткізді.

«Біз оқиға барысында қаза тапқандардың отбасы мүшелеріне, достарына, әріптестері мен жақындарына қайғырып көңіл айтамыз. Жағдай барысын мұқият бақылап отырмыз және тиісті органдарға толық қолдау көрсетуге дайынбыз»,– деп айтылған мәлімдемеде.

Ұшақ шығаратын Embraer компаниясы тиісті органдарға көмек көрсетуге дайын екенін мәлімдеді. Алайда, компания ұшақтың осы моделінде ұшуға кедергі келтірген ақаулардың анықталмағанын ресми түрде мәлімдеді.

Бұл мәліметті AZAL компаниясы да растап отыр.

«Жалпы ұшақ - 9 949 рет ұшып-қонған, ұшу уақыты - 15 257,22 сағатты қамтиды. Ұшақ толық техникалық тексерістен 2024 жылдың 18 қазанында өтті. Соңғы тексерістен кейін 671 сағат ұшқан», – делінген Әзірбайжан авиация компаниясының түсіндірмесінде.