Елшілік қызметін Telegram боттың көмегімен алуға болады

Шетелдегі қазақстандықтардың құқықтары мен мүдделерін қорғау үшін ҚР Сыртқы істер министрлігі «Консул-Көмек» жеделхат ботын ашты.

ҚР Сыртқы істер министрлігі шетелдегі азаматтардың заңды құқықтары мен мүдделерін қорғау үшін «Консул-Көмек» Telegram ботын әзірлеп, іске қосты. Бұл туралы ORDA. Сыртқы істер министрлігінің сайтына сілтеме жасап хабарлады.

Қызметтің негізгі міндеті - Қазақстандық елшіліктер мен консулдықтарда мемлекеттік қызметтерді алу тәртібі туралы ақпарат беру және нақтылау.

– Мысалы, егер азамат шетелде болып, дипломатиялық өкілдік арқылы баланың туу туралы куәлігін алуды, некені тіркеуді немесе қазақстандық паспортты қалай рәсімдеу керектігін білмесе, онда осы ботты пайдаланып, тиісті ақпарат алуға болады, делінген хабарламада.