Елордалықтар пәтерлеріне жылу берілмеуіне байланысты акция ұйымдастырды

Астана қаласындағы «Будапешт» тұрғын үй кешенінің тұрғындары  наразылық акциясын ұйымдастырды.

Бүгін«Будапешт» тұрғын үй кешенінің тұрғындары пәтерлеріндегі суыққа шыдай алмай, көшеге  «G-Park, жылу қайда?», «G-Park, ұят қайда?» , «Мұнда морж емес, адамдар тұрады», «Балаларды аяңдар, тоңамыз» деген ұрандармен  шықты.

Таңертең сыртта салқын болды, жаңбыр жауды. Бірақ тұрғындарды сырттағы ауа-райы емес, пәтерлеріндегі суық алаңдатады. Олар тұрғын үй кешенінде жылу берілмегендіктен, пәтерлері  суық екеніне наразы.

Сонымен қатар тұрғын үйге жылудың қашан берілетіні де белгісіз. Жиналғандарға  шенеуніктер митингтің рұқсат етілмегенін, тарау керектігін айтып, әкімге үндеу жазуды ұсынды. Ал әкімдіктегілер 15 қазанда тұрғындарға жылу мен суды қосамыз деп уәде берді.

Ал тұрғын үй кешенінің тұрғындары бұл уәде орындалмаса ауқымды наразылық акциясына шығатындықтарын білдірді.