Елордалықтарға тіл тигізген сарапшыға айыппұл салынды

Астана соты сарапшы Андрей Чеботаревке елорда тұрғындарына қатысты айтқан ауыр сөздері үшін 20 АЕК көлемінде айыппұл салды, деп хабарлайды Orda.kz. 

3 қыркүйекте 52 жастағы сарапшы Андрей Чеботарев әлеуметтік желіде астаналықтарға балағат сөздер айтып, жазба жариялаған. Чеботарев бұл жазба жол ережесін бұзатын жүргізушілердің қылығына ашуланғаннан соң жазылғанын түсіндіріп, жазбаны өшіріп тастады. 

Сот оны ҚР Әкімшілік құқық бұзушылық туралы кодексінің 434-бабы «ұсақ бұзақылық» бойынша кінәлі деп танып, айыппұл тағайындады.

Айта кетейік, әлеуметтік желіде аутизм диагнозы бар балалар мен олардың ата-аналары туралы жағымсыз пікір жазған блогер Райхан Жұмамұратова елден кешірім сұрады.