Елордада өзін өртемек болған қаржылық пирамида құрбанының жағдайы белгілі болды

Нұр-Сұлтан қаласының денсаулық сақтау басқармасының баспасөз қызметі өзін өртемек болған қаржылық пирамида құрбанының жағдайы әлі ауыр деп бағаланатынын хабарлады.

1990 жылы туған әйел денесінің кейбір жерін күйік шалып, жедел жәрдем көлігімен №1 көпсалалы қалалық ауруханаға жеткізілген.

«Ол комбустиолог, реаниматолог, токсиколог және терапевтке қаралды. Науқастың ауырлығын ескере отырып, жансақтау бөліміне жатқызылды» делінген хабарламада.

Қазіргі уақытта оған толық медициналық көмек көрсетілді. Ол медицина қызметкерлерінің бақылауында. Оның денсаулық жағдайы әлі ауыр деп бағалануда.

Еске салсақ, кеше «Mudarabah Capital» қаржы пирамидасының инвесторы Бағила Досмаилованың елордадағы Ішкі істер министрлігі ғимаратының алдында өзін өртеп жіберген видеосы тарады. Әйел қаржы пирамидасына 20 млн теңгеге жуық қаржы салған.

Бір әйел өзінің өліміне Алматы полициясы басшысының орынбасары Рустам Әбдірахмановты айыптаған жазба жариялады. Оның айтуынша, полицей қылмыстық істі жабуға асыққан. Кейіннен ол өзіне тағылған айыптарға жауап беріп, аталған қылмыстық іс бойынша 14 адам күдікті деп танылып, оның екеуіне «Ұстау» санкциясымен халықаралық іздеу жарияланғанын жеткізді.

Еске салсақ, алаяқтар сенімсіз клиенттермен мемлекеттік сатып алуға қатысу үшін қажет делінетін қаржылық ресурстарды тарту бойынша бірлескен қызмет туралы келісімдер жасаған. Фирмалар ай сайын әрбір салымшыға салған жарна сомасының 20 пайызын төлеуге міндетті болды. Бірақ алданған азаматтар ақшаларын ешқашан алмаған.

Айта кетсек, компанияның жарнамасына қазақстандық танымал вайнерлер Мейіржан Төребаев, Мейірхан Шерниязов және Әзімжан Саидбаев белсене атсалысты. Олар қаржы пирамидасына қатысты іс бойынша айыпталушы болған.

Алайда Мейіржан Төребаев бұл оқиғада өзі құрбан болғанын айтты. Оның айтуынша, ол компания туралы досынан білген.

Әзімжан Саидбаев қаржылық пирамиданы құрып, оны басқарды деген күдікке ілінді. Блогерге іздеу жарияланған.