Елордада зейнеткер Нұр-Сұлтан атауын өзгертуді талап етті

7 ақпан күні Нұр-Сұлтан қаласында сексен жастағы зейнеткер Ибрагим Қозыбаев қала атауын өзгертуді талап етіп, парламент маңына пикетке шықты.

Азаттықтың мәліметінше, қария «тарихи жағынан Қазақстан астанасы атауы әу баста Ақмола болған және солай қалуы тиіс» екенін айтқан.

- Тарихты бұрмалауға болмайды. Мен Нұр-Сұлтанды Ақмола деп атауды талап етемін. Қағаз жүзінде емес, шынайы өзгеріс керек, -дейді Қозыбаев.

Зейнеткердің айтуынша, ол пикетке шығатыны туралы ешқайда хабарламаған, бәрібір «рұқсат жоқ» деген жауап алатынын айтады. Қария плакатын жайған сәтте Ақорда маңын қарауылдайтын арнайы жасақ келіп, Қозыбаев кетуге мәжбүр болды.