Елордада өзбек азаматтарын Қазақстанда құлдыққа сатқан күдікті ұсталды

Ер адам 7 жыл бұрынғы қылмысы үшін мемлекетаралық іздеуде болған.

«2014 жылы ер адам Өзбекстаннан келген алты азаматты Қазақстан Республикасының аумағынан жоғары жалақылы жұмысқа орналастырамын деп, алып шыққан. Алматыда ол жерлестерінің төлқұжаттарын алып, басқа біреуге табыстаған. Ер адамдар 7 ай қиын жағдайда жұмыс істеуге мәжбүр болған» деді ҚР Ішкі істер министрлігінің баспасөз қызметі.

Анықталғандай, 2015 жылы Өзбекстанда адам саудасымен айналысқан ер адам бес жылға бас бостандығынан айрылған. 2019 жылы сот шешімімен жазаның өтелмеген бөлігі шартты түрде мерзімінен бұрын босатуға ауыстырылған.

Шартты түрде мерзімінен бұрын босатылған ер адам Қазақстан аумағына қашып кетіп, Өзбекстанда іздеуге жарияланған.

Қазіргі уақытта сот шешімімен ер адам қамауға алынып, оны отанына экстрадициялау мәселесі шешілуде.