Елордадағы «Астықжан» сауда орталығы өртенді

Елордадағы «Астықжан» сауда орталығының жиһаз салонынан өрт шықты.

Бұл туралы  Orda.kz Нұр-Сұлтан қаласы төтенше жағдайлар департаментінің баспасөз қызметіне сілтеп хабарлады.  

Алдын ала ақпарат бойынша бүгін сағат 09: 42-де өрт туралы хабарлама келіп түскен. Хабарды алысымен Нұр-Сұлтан қаласы төтенше жағдайлар департаментінің өрт сөндіру бөлімшелері Аль-фараби даңғылы, 28 мекен-жайына шұғыл түрде жөнелген.

— Өрт сөндірушілер шақыру орнына 6 минуттың ішінде келді. Олар жеткенде «Астықжан» сауда орталығының 3-қабаттындағы жиһаз салоны жанып жатқан. Алдын ала ақпарат бойынша зардап шеккендер мен қаза тапқандар жоқ. Қазір елордалық 76 өрт сөндіруші мен 19 бірлік техника жұмылдырылды. Өрт сөндіру орнында өрт сөндіру штабы ұйымдастырылды, - деп жазылған департамент хабарламасында.