Елордада вакцина алғандар арасында кезекті iPhone12 смартфоны ойнатылды

Нұр-Сұлтанда екпе алғандарға тағы да  бағалы сыйлықтар ойнатылды. 7-16 шілде аралығында егілген азаматтар арасындағы екі iPhone12 және басқа да құнды сыйлықтардың екінші ұтыс ойыны өтті.  

Ойын тікелей эфирде 17 шілде күні  сағат 17:00-де Нұр-Сұлтан қаласы әкімдігінің әлеуметтік желілердегі (Facebook, YouTube) парақшаларында өтті. Нәтижесінде, Азамат Аққошқаров (№39137) және Сәндігүл Игілікова (№13011) кезекті екі iPhone12 жеңімпазы атанды.

«Sulpak» дүкенінің тоңазытқышын Нұрсұлу Нұрекешова (№14964), теледидарын Нина Савицкая (№14080),  микротолқынды пешті Дамир Нұржанов (№34262), «Мечта» дүкендер желісінің Алисасы бар ақылды колонкасын Расулбек Қуанышбеков, ультрадыбыстық ылғалдандырғышын Диля Дуиесинова (№41207), «Белый Ветер» дүкенінің бейнетіркегішін Азамат Жүнісбеков (№25842) ұтып алды.

Ендігі жерде  IPhone12 және басқа да құнды сыйлықтардың ұтыс ойынын елорда әкімдігі апта сайын жаздың соңына дейін өткізеді

Вакцинацияланғандар сервисі ҚР Денсаулық сақтау министрлігінің ақпараттық жүйесімен біріктірілген. Ұтыс ойынына вакцина алғандар автоматты түрде қатысады. Оған қатысу үшін құжаттар толтырып, тағы да вакцинациядан өтудің қажеті жоқ

Елордада азаматтарды вакцинациялауға ынталандыру үшін бағалы сыйлықтардың ұтыс ойыны жалғасуда. Осы жылдың 25 маусымы мен 31 тамызы аралығында вакцинаның бірінші компонентін алған әрі 18 жастан асқан қала тұрғындары елордада екі бөлмелі пәтер ұтып ала алады.