Елордада танымал асаба бойжеткенді зорлады

Не молчи қорының жетекшісі Дина Таңсәрі елордада танымал асаба бойжеткенді зорлады деп мәлімдеді.

Оқиға 2021 жылдың 5 наурызынды орын алған.

Зардап шегушінің айтуынша, асаба оны көлікте зорлаған. Әпкесінің тойынан кейін асаба оған бірнеше рет үйіне жеткізіп салуға ұсыныс жасаған.

«Ол мені іс-шарадан кейін үйге жеткізіп салуға ұсыныс жасады. Менің әпкемнің тойында асаба болды. Той кезінде үш рет маған келіп кеткен. Бас тартып, туыстарыммен бірге қайтатынымды айттым. Әпкеммен бірге тұрған кезде Т.С қасыма келіп, мені апарып тастауды ұсынды. Әпкем «бір бағытта жүрсеңдер, барыңдар» деді. Екеуміз мейрамханадан шығып, көлігіне отырдық. Бізбен бірге тағы оның әріптестері бір қыз бен жігіт болды. Мен артқы жолаушылар орындығында отырдым. Қыз оң жағалаудан түсіп қалды, ал біз үшеуіміз сол жағалауға жол тарттық. Жолда алдыңғы жақта отырған жігіт түсіп, дүкенге кірді. Темекі әкеліп берді. Т.С. көлікті тоқтатып, артқы орындыққа ауысты.

Содан соң ол маған тиісе бастады. Қарсылық көрсеттім. Үстіңгі киімімнің түймесін ағытты. Артқы орындыққа арқаммен құлап, басымды ұрып алдым. Белдемше мен колготкиді шеше бастады. Қолым оның астында қалып қалды. Сүйіп, әртүрлі сөздер айтты. Мен оған айқайлап, бұлай жасамауын сұрадым. Содан соң ол маған «қызсың ба?» деп айқайлады. «Иә» деп жауап берген едім, «сенің қыздығыңа тиіспеймін, өзім «бітіремін» деді. Содан соң мен қолымды сыртқа шығармақ болып едім, ол терезені жауып үлгерді. Ол әрекеттерін жалғастыра берді, содан соң ішімнің астында ыстық әлдене сездім. Ол майлықтарды алып, жан-жақты сүрте бастады. Мен киініп, көліктен шыққым келді. Ол мені жеткізіп тастайтынын айтты. Алайда мен онымен бірге қайтпайтынымды айттым, содан соң біз тасжолға шықтық, ол маған такси тоқтатты да, мен қайтып кеттім» дейді зардап шегуші қыз.

Оның айтуынша, ол оқиғадан кейін екі күн бойы есін жия алмаған.

«Шок жағдайында болдым. 8 наурызда арыз жаздым, сол күні маған сараптамалар тағайындалды, барлығы расталды. Дене жарақаттары, сол және оң жақ жамбастың қанталауы бар. Осы уақыт аралығында оның әйелі жұмысыма келіп, күйеуі үшін кешірім сұрады. Арызды қайтып алуымды өтінді. Біз Т.С-мен АІІБ-де кездестік, ол жақта да маған қысым жасалды» деді ол.

Дәлел болса да, іс жабулы

Іс 9 ай жабулы тұрған.

«Ол танымал тамада екенін түсінемін, бірақ бұл оған осылай істеп, жазасыз қалуға мүмкіндік бермейді» деді бойжеткен.

Дина Таңсәрі мұндай жабылған істер қалыпқа айналғанын алға тартты.

«Бұл қыз еркек деген не екенін білмеген, ер адамның ойын түсінбеген, қатты қорқып қалған. Бірақ Нұр-Сұлтан қалалық полиция департаментінде барлық зорлық келісіммен болатын сияқты» деп жазды қор басшысы.

ҚР Қылмыстық кодексінің 120-бабы бойынша Есіл аудандық полиция басқармасында сотқа дейінгі тергеу басталды.

«Тергеу нәтижелері бойынша жәбірленушінің айғақтарын растайтын жеткілікті және сенімді дәлелдемелер алынған жоқ. Осыған байланысты қылмыстық іс тоқтатылды. Бұл шешім прокурормен келісілді» деді полиция департаментінде.