Елордада сотталушы сүйіктісімен некесін қиды

Нұр-Сұлтан қаласы бойынша қылмыстық атқару жүйесі департаментіне қарасты ЕЦ-166/10 мекемесiнде жазасын өтеуші 3 жыл бұрын бостандықта танысқан сүйіктісімен заңды некесін қиды.

Turkistan басылымының хабарлауынша, жазасын өтеуші бостандыққа шыққан соң отбасына қамқор болып, болашақта балалы болуды армандайтынын айтты.

«Түзету мекемесінде жақындарыңмен көрісуге мүмкіндік беріледі. Енді мен жарыммен кездесіп тұрамын және мені күтетін адамның барын біліп, бостандыққа тез шығуға тырысамын» деді ол.

Ол жарының жаза мерзімінің бітуін күтіп, оған барынша қолдау көрсететініне сендірді.

Бұл алғашқы неке емес. Мұндай жағдайлар арасында орын алып тұрады. Айыпталушылар қоғамнан өз орнын табуға, отбасын асырауға ұмтылып, теріс жолдан бойын аулақ ұстайды.

Сондай-ақ, отбасылылардың мерзімі қысқартылып жатады. Түзету мекемелерiнде жазасын өтеушілердің некесiн қиюдағы басты мақсат – жанұя алдындағы жауапкершiлiктi сезiндiру. 

«Некелесу бұл ерлі зайыптылар үшін өте маңызды, жауапты шешім. Біздің қызметкерлер бұл жолда жазаланушыларға асықпай ойлануына кеңес береді. Осылайша түпкі шешім шыққан болса біз құжаттарды заңдастыруға көмектесеміз» деді ЕЦ-166/10 мекемесі бастығының міндетін атқарушы әділет майоры Нұрғали Әжіханұлы.