Елордада Сирия бойынша жаңа келіссөздер өтеді – сыртқы істер министрі

Сыртқы істер министрі Мұхтар Тілеуберді Сириядағы жағдай бойынша жаңа келіссөздер желтоқсан айының ортасында өтеді деп мәлімдеді.

Бұл туралы Orda.kz хабарлады.

– Кепілгер елдерден Астана процесінің кезекті келіссөздерін ұйымдастыру туралы өтініш келіп түсті. Нақты қай күндерді өтетінін біз келісіп аламыз. Желтоқсан айының ортасында болады, – деді Тілеуберді.

Ол кепілгер елдер министрлердің орынбасарлары деңгейінде ұсынылатынын атап өтті.

Еске салсақ, Сириядағы қарулы қақтығыс 2011 жылдан бері жалғасып келеді. 2017 жылы Нұр-Сұлтанда «Астана форматы» деп аталатын келіссөздер өтті. Содан кейін елордада Сириядағы қақтығысушы тараптардың өкілдері кездесті. Кейінірек осындай конференция 2018 жылы Сочи қаласында болды.