Елордада сауықтыру орталығына экс-денсаулық сақтау министрінің есімі берілді

Денсаулық сақтауды дамытудың республикалық орталығына бес жыл бұрын өмірден өткен бұрынғы денсаулық сақтау министрі Салидат Қайырбекованың есімі беріледі.

Бұл туралы Orda.kz хабарлады.

– Денсаулық сақтауды дамытудың республикалық орталығы ресми түрде Салидат Қайырбекова атындағы Денсаулық сақтауды дамытудың ұлттық ғылыми орталығы болып өзгертілді, - делінген ҚР Денсаулық сақтау министрлігінің хабарламасында.

Денсаулық сақтау министрлігінің қазіргі басшысы Алексей Цойдың айтуынша, тәуелсіз Қазақстанда денсаулық сақтау саласын дамытуда Салидат Қайырбекованың рөлі ерекше болды.

– Терең кәсіби білім, керемет ұйымдастырушылық талант, жоғары адамдық қасиеттермен ұштастырылған көшбасшылық (...) Салидат Зекенқызына денсаулық сақтау жүйесін дамытудың күрделі мәселелерін шешуге қабілетті пікірлестердің тиімді тобын құруға мүмкіндік берді, - деді Цой.

Ол арғы атасының жолын қуып келген дәрігер Салидат Қайырбекованың денсаулық сақтау жүйесінің барлық деңгейлерінен өткенін атап өтті: қарапайым невропатологтан денсаулық сақтау министріндегі алғашқы әйел болды.

Салидат Қайырбекова 2016 жылдың шілдесінде 54 жасында қайтыс болды. Ол инсульттан кейін ауыр жағдайда ауруханаға жатқызылды.

2010 жылдың қазанынан 2014 жылдың тамызына дейін Қайырбекова Денсаулық сақтау министрі болды, содан кейін 2015 жылдың қазанына дейін Денсаулық сақтау және әлеуметтік даму бірінші вице-министрі болды. 2015 жылдың қазанынан бақилық болғанша Ұлттық медициналық холдингті басқарды.