Елордада өрт сөндіруші жанып жатқан үйден төрт айлық баланы аман алып шықты

Елордада тұрғын үй кешеніндегі өрт: тұрғындар төрт айлық баланы аман алып қалған өрт сөндірушіні марапаттауды сұрады, деп хабарлайды Orda.kz

Мақсат Лешан сәбиді жетінші қабаттағы пәтерден көтеріп алып шыққан. 

Астананың төтенше жағдайлар департаменті елордадағы «Эльбрус» тұрғын үй кешенінде түнде сөндірілген өрттің мән-жайын айтты. Жаңартылған мәліметтер бойынша 15 адам құтқарылды, тағы 62 адам эвакуацияланды.

Адамдардың ғимараттан тез шығуына көмектескен өрт сөндірушілердің бірі Мақсат Лешан. Жетінші қабаттағы пәтерде кішкентай баласы бар отбасы болған. Өрт сөндіруші матаны сулап, нәрестенің мұрны мен аузын жауып, оны түтін арасынан аман алып шықты.

Өрттен кейін тұрғындардың бірі құтқарушыға алғыс білдіргенін видеоға түсіріп алған.

«Құрметті министр, құрметті Төтенше жағдайлар жөніндегі вице-министр, осы азаматқа ризашылық білдіріп, марапаттауларыңызды сұраймын», - деді ол. 

Өрт тез сөндірілді. Ешкім зиян шеккен жоқ.