Елордада кәріз құдығынан есірткі табылды

Елорда  меншік иелері бірлестігінің  төрағасы Рүстем Айтхожин кәріз құдығынан белгісіз зат тауып алып, полицияға хабарлаған.

Есірткі бумасы «Меркурий» тұрғын үй кешенінің Е-15 көшесіндегі кәріз құдығына жасырылған. меншік иелері бірлестігінің төрағасы үй аумағын аралап жүріп, ақ түсті ұнтақ заты бар лентаға оралған пластик пакетті тауып алған. Ер адам табылған зат туралы дереу полицияға хабарлаған. Келген полиция қызметкерлері затты тәркіледі.

Аталған факті бойынша сотқа дейінгі тергеу амалдары жүргізіліп, сараптама тағайындалды. Полицейлер есірткінің тұрғын үй кешенінің аумағына қалай түскенін анықтап жатыр.

Көрсетілген қырағылығы үшін «Нұр-Сұлтан» ММ Есіл аудандық унитарлық кәсіпорнының басшысы Мадияр Айтуғанов «Меркурий Лайф» меншік иелері бірлестігінің төрағасы Рүстем Айтхожинді төраға грамотасымен марапаттады.