Елордада іргетасы үгітілген апатты үйлер босатылады

2022 жылы Нұр-Сұлтандағы апатты үйлерден 300-ден астам отбасы көшіріледі.

Мәселен, билік Сарыарқа ауданындағы Дүкенұлы 21 мекенжайында орналасқан бес қабатты жатақхананы бұзуды жоспарлап отыр. Ғимарат 1966 жылы салынған. Тұрғындар мезгіл-мезгіл электр сымдарына, кәрізге және суға қатысты қиындықтарға тап болады.

Жатақхана тұрғыны Сәкен Әбдіқадіров атап өткендей, жатақхананың іргетасы қазірдің өзінде құлап, электр сымдары жанып кеткен.

– Біз кернеу тұрақтандырғыштарын орнатып жатырмыз, өйткені электр қуатының үзілуіне байланысты жабдық жанып жатыр. Үй ескі, тозығы жеткен, жертөлесі сұмдық күйде, – дейді астаналық.

Елорда әкімі Алтай Көлгінов тұрғындарға барлық құжаттарды ретке келтіру керектігін ескертті.

– Бірақ қазір мүмкіндікті пайдалануға тырысып,  кез келген адамның үйіне тіркелудің қажеті жоқ. Өйткені пәтерлер тіркелгендер саны бойынша емес, шаршы метрімен бөлінеді. Әр пәтер бойынша сұрақтар қарастырылады, - деді Көлгінов.

Соңғы үш жылда 700-ге жуық отбасы апатты үйлерден көшірілді.