Елордада 800-ден астам мопедші жауапкершілікке тартылды

Жаз мезгілі басталысымен Астанада мопед тізгіндеген жүргізушілер саны артып келеді. Осыған байланысты жолдардағы бақылау күшейтіледі, деп хабарлайды Orda.kz жол полициясына сілтеме жасап.

«Тәулік ішінде автопатрульдік полиция қызметкерлері 43 жүргізушіні ұстады, олардың төртеуі кәмелетке толмағандар. Жол қозғалысы ережесін бұзғаны үшін 39 жүргізуші мен кәмелетке толмағандардың төрт заңды өкілі әкімшілік жауапкершілікке тартылды» делінген хабарламада. 

Елордада жыл басынан бері жол ережесін бұзған 833 мопед жүргізушісі жауапкершілікке тартылды.