Елорда тұрғыны косметикалық ота жасаймын деп сотталып кетті  

Елорда тұрғыны медициналық қызметпен лицензиясыз айналысып, денсаулыққа зиян келтіргені үшін сотталды, деп хабарлайды Orda.kz. 

Ол тиісті лицензия мен сертификатсыз, сақтау мерзімі өткен филлерді қолдану арқылы косметикалық процедура жүргізіп, нәтижесінде жәбірленушінің денесінде қабыну процесі басталған. Оған медициналық көмек қажет болды.

Кінәлі адам 1 жыл 6 ай бас бостандығынан айырылды. Әрі медициналық қызметпен айналысудан шектелді. 

Сотталғаннан жәбірленушінің пайдасына 5,8 млн теңге материалдық және моральдық шығын өндірілді.