Елорда әкімдігі: Нұр-Сұлтанда санитарлық нормалар сақталмауда

Жақында мониторингтік топтар Нұр-Сұлтанның төрт ауданында кезекті рейд өткізді. Тексеру барысында карантиндік шараларды бұзған бірқатар мейрамханалар, кафелер мен караоке-барлар анықталды.

«Дәрігерлердің ақпараты бойынша, шектеулі санитарлық нормаларды сақтамайтындар - негізінен ойын-сауық мекемелеріне баратын адамдар», - деп хабарлады әкімдік Instagram желісінде.

Мысалы, Есіл ауданында «Chechil Pub», «Smoke» және «Wok Wok Kitchen» мейрамхана барлары уақытша шектеу шаралары мен маска режимін бұзды.

Сондай-ақ, Сарыарқа аймағында «7-қазан» мейрамханасы, «Бақыт» мейрамханасы, «Фазенда» монша кешені, «Shashlykoff» гриль-бары және «Тоғжан» дүкені барлық тыйымдар мен санитарлық нормаларды ескерме жұмыс істеді.