Елорда әуежайында жолаушылардың жүгін тонайтын қылмыстық топ қолға түсті

Елорда әуежайында жүк тасымалдаушылардың ұйымдасқан қылмыстық тобы ұсталды - олар чемодандарды ашып, бағалы заттарды алып отырған.

Астана әуежайында жолаушылардың багажын ашып,  ұрлаумен айналысқан жүк тиеушілер ұсталды. Алты адам аса ірі көлемдегі ақша, алтын және зергерлік бұйымдарды ұрлады деген күдікке ілінді.

«Астана халықаралық әуежайында соңғы уақытта жолаушылардың қолма-қол ақшасын, алтын бұйымдарын және басқа да құндылықтарын ұрлаумен шабадандарды рұқсатсыз ашу фактілері тіркелді. Мысалы, тамыз айында Астана-Ыстамбұл рейсінің жолаушы чемоданынан 19 мың АҚШ долларының жоғалғанын анықтаған. Жүктен 7,8 мың АҚШ долларының ұрланғаны туралы дәл осындай шағым Астана-Дубай рейсінің жолаушысынан түскен»  деп хабарлайды Polisia.kz.

Жедел қызметкерлер алты адамды анықтап, ұстады. Олардың барлығы әуе айлағында жүк тиеуші болып жұмыс істеген. Полицейлердің айтуынша, барлығы жасағандарын мойындап, ақшаның бір бөлігі тәркіленіп, иелеріне қайтарылған. Қазір күдіктілердің осыған ұқсас басқа да қылмыстарға қатысы бар-жоғы тексерілуде.

Сонымен бірге, полиция астаналық әуежайға «камераға түспейтін жер қалдырмау, қызметкерлерге қойылатын талаптарды күшейту және басқа да шаралар сияқты қылмыстық құқық бұзушылықтардың жасалуына ықпал еткен жағдайларды» жоюды қатаң ұсынды.