Елорда атауын өзгертуге қанша қаражат жұмсалатыны белгілі болды

Нұр-Сұлтан қаласы мәслихатының хатшысы Ерлан Каналимов елорданың атын өзгертуге қанша қаражат жұмсалатынын айтты.

«2019 жылдан бастап барлық мемлекеттік органдар 100% цифрлық құжат айналымы форматына көшті. Жалпы, 2019 жылы әкімдік маңдайшаларды, бланкілер мен мөрлерді ауыстыруға 30 миллион теңгеге жуық қаржы жұмсаған. Биыл цифрлық құжат айналымына көшуді ескерсек, шығын әлдеқайда аз болады деп ойлаймын. Өйткені қазір көптеген мемлекеттік органдар формада ресми түрде ештеңе жібермей, ЭСҚ пайдаланады» деді Ерлан Каналимов.

Еске салсақ, 2 қыркүйекте «Жаңа Қазақстан» депутаттық тобының мүшелері елорданың бұрынғы атауы – Астананы қайтаруды ұсынған.

13 қыркүйекте Мемлекет басшысының баспасөз хатшысы Руслан Желдібай Тоқаевтың Нұр-Сұлтан қаласының атын Астана деп қайта өзгертуге қарсы емес екенін жеткізді.