ІІМ Orda.kz және Elmedia редакцияларына жасалған шабуылдар туралы айтты

ElMedia редакциясына жасалған шабуыл туралы Ішкі істер министрлігі «Ұсталғандар журналистердің қызметіне араласты» деп отыр. ІІМ қылмыстың ұйымдастырушылары мен сыбайластарын іздестіріп жатыр.

Алматыда ElMedia редакциясына шабуыл жасағаны үшін қамауға алынғандар журналистердің кәсіби қызметіне кедергі келтірді. Бұл туралы Ішкі істер министрлігі тергеу басқармасының бастығы Санжар Әділов мәлімдеді.

Ол Алматының екі тұрғынының уақытша ұстау изоляторына қамалғанын айтты. Олар қыркүйек пен қараша айлары аралығында журналистердің кәсіби қызметіне кедергі келтіріп, қорқытты, сондай-ақ бұзақылық әрекеттерін жасады, нәтижесінде ElMedia және Orda.kz редакцияларының мүлкіне зиян келтірді деген күдікке ілінді.

— Кінәні мойындаудан басқа, ұсталғандардың кінәсі жеткілікті дәлелдермен және нақты дәлелдемелермен, соның ішінде ақшалай қаражаттың аударылуымен, қылмыс болған жерден бейнежазбалар, куәгерлердің айғақтарымен, беттестірулермен расталады, - деді Санжар Әділов.

Қылмыстық іс-әрекеттер Қазақстан Республикасы Қылмыстық кодексінің үш бабы бойынша сараланады:

Қылмысты ұйымдастырушылар мен сыбайластарын анықтау шаралары жүргізілуде, деп қосты ведомстводан. Қылмыстарды тергеу Ішкі істер министрлігінің бақылауында.

Еске салсақ, Elmedia редакциясына соңғы бір жарым айда төрт рет шабуыл жасалды – шабуылшылар кеңсенің терезелерін сындырған. Сонымен қатар, басылымның бас редакторы Гүлжан Ерғалиеваға да шабуыл жасалды. Сол сияқты  Orda интернет-порталының редакциясына аузында аталған ұжымның басшысы  Гүлнәр Бажкенованың жыртылған фотосуреті бар шошқаның басы жіберілді.

Бұл жағдай 24 қарашада Ақордаға «Әділ сөз» сөз бостандығын қорғау халықаралық қорының, сондай-ақ Қазақстан Журналистер одағының президент Қасым-Жомарт Тоқаевқа жолдаған үндеуіне себеп болды.

Бір күн бұрын Қасым-Жомарт Тоқаевтың баспасөз хатшысы басқармаларға БАҚ-қа қатысты оқиғаларды тексеріп, әйел журналистерді қорғау тапсырылғанын айтқан еді.

— «Әділ сөз» халықаралық қоры мен Қазақстан Журналистер одағының журналист әйелдерді қорғауды сұрап Президент атына жолдаған үндеуі назарға алынды. Бұқаралық ақпарат құралдары өкілдеріне қатысты заңсыз әрекеттерге барған тұлғаларды жауапкершілікке тарту үшін тиісті ведомстволарға осы оқиғаларды тексеру тапсырылды, - деді Президенттің баспасөз хатшысы Руслан Желдібай.