Елизавета II халық алдында келесі тақ иесінің атын атады

Ұлыбритания патшайымы Елизавета II таққа отырғанына 70 жыл толуы қарсаңында үндеу жасады.

Онда қолдау көрсеткені үшін жұртшылық пен өз  отбасына алғысын білдіріп, «платина мерейтойын» атап өтуді асыға күтетінін айтты.  Хат мәтіні Букингем сарайындағы Twitter-де қолжетімді.

Елизавета II жолдауында 21-ші туған күнінде Достастық халқына арнаған: «Баршаңызға мәлімдеймін, менің бүкіл өмірім ұзақ немесе қысқа болғанына қарамастан,  Сіздерге  қызмет етуге арналады» деген сөзін еске алды.

«Мен келе жатқан платина мерейтойын тойлауды  үмітпен және оптимизммен күте отырып,  қаншалықты ризашылық білдіре алатынымызды еске аламын. Өткен жеті онжылдықта бәрімізге пайда әкелген ерекше әлеуметтік, технологиялық және мәдени прогреске куә болдым. Болашақ бізге, әсіресе Ұлыбританиядағы және бүкіл Достастықтағы жастарға осындай мүмкіндіктер беретініне сенімдімін» деді Елизавета II.

Патшайым болашақ тақ иесінің де атын атай кетті.

«Сіздердің маған көрсетіп жатқан адалдықтарыңыз бен сүйіспеншіліктеріңізге мәңгілік ризамын және қарыздармын. Сіздер  таққа отырғанда, менің ұлым Чарльз бен оның әйелі Камиллаға да дәл солай қуат беретіндеріңізді білемін.  Ол маған да көрсеткен қолдау»  деді патшайым.

Патшайым Елизавета II жексенбіде өзінің 70 жылдық платина мерейтойын атап өтеді.

Ханшайым Елизавета 1952 жылы 6 ақпанда әкесі король Джордж VI қайтыс болған күні патшайым атанды. 2022 жылы 96 жасқа толатын Елизавета II өзінің платина мерейтойын тойлаған алғашқы британдық монарх болмақ.

Ұлыбританиядағы  ақпан айындағы  ауа-райының қолайсыздығана байланысты  мерекелер жазға ауыстырылады. Мерейтойды мерекелеу аясында ел бойынша жыл бойына түрлі іс-шаралар өткізіліп, 2-5 маусым аралығында ұзартылған мерекелік демалыс күндері аяқталады. Демалыс күндері Ұлыбританиямен  қоса Достастық елдерінде мерекелік шаралар өтеді.