Элина Михина жеңіл атлетикадан Азия чемпионы атанды

Жеңіл атлетикадан жабық кешендегі 10-шы Азия чемпионатында Қазақстан екінші алтынды жеңіп алды. Элина Михина өз жанкүйерлерін осындай жаңалығымен қуантты.

Элина Михина 400 метрге жүгіріп, қашықтықты 54,07 секундта өтті. Дәл осы тәртіпте ерлер арасында қазақстандық Михаил Литвин Азия чемпионатының күміс жүлдегері атанды. Ол финалдық жарыста тек қана катарлық Аммар Исмаил Яхья Ибрахимге есе жіберді.

Қазақстан құрамасына тағы бір қола жүлдені 1500 метрге жүгіруде 1:06,04 секундпен үшінші болып мәреге жеткен Ақбаян Нұрмамет әкелді.

Осылайша, Азия чемпионатының екінші күнінен кейін Қазақстан құрамасының қоржынында екі алтын, екі күміс және бір қола медаль бар.

Бұл жарыстардың басында қазақстандық спортшылар екі жүлдеге ие болған.