Елімізге белгілі ақын көз жұмды

cover Фото: freepik.com

Ақын әрі журналист Серік Боқан қайтыс болды, деп хабарлайды Orda.kz

Қаралы хабарды ақын Тоқтарәлі Таңжарық жеткізді. Ол әрәптесіне арнап жазба жариялады. Ол марқұмның көп өлеңі жоғалып кеткенін айтты. 

«Кешір, Секе!..Ақын досымыз Серік Боқан қаза болыпты. Мына өмірде ешбір ереже мен тиымға бағынуға болмысы сай келмейтін жандар болады. Секең, Серік Боқан сондай жан еді. Ол бұл өмірдің қулық-сұмдығын үйрене алмай-ақ кетті. Басын тауға да, тасқа да ұрды. Ақыры, діннен марқадам тапты... бәлкім, таппады. Өзін көп іздеді. Өзін сыйлайтын ортаны көп іздеді. Жолы болмады. Үнемі тығырыққа тіреле берді. Өзі де менің алдымнан бір кетпелтек томар кетпейді деуші еді. Шынымен, тап-таза еді. Тез жараланғыш еді. Онысын білдірмейтін. Өзін дәлелдегісі келетін. Дәлелдей алмады!» деп жазды ол.

Айта кетейік, ол «Жас қазақ үні» газетінде, «Үн» журналында қызмет атқарған. Біраз жыл бойы «Асыл арна» телеарнасында журналист болып еңбек еткен.

Жаңалықтар

барлық жаңалықтар