Еліміздің туроператорлары шетелдіктер есебінен жағдайын жақсартпақшы ма?
Orda.Kz редакциясына туристік агенттіктер хабарласып, қазақстандық «Sanat Tour» туроператорының әрекетін заңсыз деп ойлайтындарын жеткізді.
Ресей президенті Владимир Путин жариялаған жұмылдыру ресейліктердің Қазақстанға жаппай қашуына себеп болды. Еліміз шетелге әуе билеттерін жапатармағай сатып алып жатқан ресейліктер үшін транзиттік мемлекетке айналды. Дегенмен, барлық туроператорлар көршілердің қамын күйттей бермейді, мысалы, «Sanat Tour» компаниясы билеттерінің құнын көтерген.
— Біздің ойымызша, компания осы сәтті пайдаланып, қосымша табыс таппақшы. Одан біз шегетін зиян мынада: олар барлық турагенттерге, соның ішінде олармен чартерлік рейстерге тапсырыс берген бізге де бұған дейін расталған брондау бағасын көтеріп жіберді. Бүгін бізге жазда сатып алынған билеттер бағасының 200 еуроға көтерілгенін хабарлады. Бізге не қосымша ақы төлеңіз, немесе билеттер жойылады деген шарт қойды. Бізде 12, 13, 15 және 16 қазан күндері Алматы-Анталия және Астана-Анталия бағытында 31 жолаушы бар, - дейді Алматыдағы туристік фирмалардың бірінің иесі Мәдина Ғабидоллақызы.
Кейбір бағыттарға әуе билеттері құнының өзгеруіне байланысты «Sanat Tour» туроператоры агенттерге әр билет үшін 300 еуроға дейін қосымша ақы төлеу қажет екенін хабарлады. Туристік агенттіктің қосымша төлемі туралы шешім 30 қыркүйек күні сағат 18.00-ге дейін қабылдануы керек еді. Дегенмен екінші нұсқа бойынша өтініштерді айыппұлсыз жойып, одан кейін бастапқы төленген бағаны 100% қайтаруға болады.
Orda.kz журналисі Қазақстан туристік қауымдастығы (ҚТА) басшылығына хабарласты.
Алайда ондағы басшылық тілшіге тікелей «Sanat Tour» -мен байланысуды ұсынып, жағдайға қатысты пікір білдіруден бас тартты.
— Бұл туристер мен Қазақстан азаматтары туралы емес. Сондықтан жеке кәсіпкердің әрекетіне қатысты пікір білдіруге құқымыз жоқ, сондықтан сенімді ақпарат алу үшін осы компанияға хабарласқаныңыз жөн, – деді ҚТА директоры Рашида Шәйкенова.
Жағдайға түсініктеме беруден бас тарту «Sanat Tour» компаниясының басшысы Марат Бейсенбаевтың Қазақстан туристік қауымдастығының мүшесі және ҚТА басқарма мүшесі болуына байланысты ма, өкінішке қарай, ол жағын біз біле алмаймыз.
Orda.kz редакциясы осы жағдайларды анықтау мақсатында «Sanat Tour» туроператорына ресми сауал жолдады.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды