Еліміздің жәрмеңкелерінде бір күнде 200 тоннаға жуық сиыр еті сатылды

Баға диапазоны бір келі ет үшін 2400-ден 3700 теңгеге дейін өзгеріп тұр деп жауапты ведомство есеп бергенімен, негізінен кей жерлерде сиыр етінің бағасы 4000-нан жылқы еті 5000 мың теңгеден асып кеткені рас, деп хабарлайды Orda.kz.       

 Еліміздің жұртшылығы 20 қыркүйекте өткен ауыл шаруашылығы жәрмеңкелерінде 195 тоннадан астам сиыр етін сатып алды, деп хабарлайды ҚР Сауда және интеграция министрлігінің баспасөз қызметі.

 «Еліміз бойынша 47 ауыл шаруашылық жәрмеңкесі өтті, онда қазақстандықтарға отандық өндірушілерден түрлі жаңа өнімдер ұсынылды, соның ішінде 195 тоннадан астам сиыр еті бар. Бұл жәрмеңке сұраныстың жоғары деңгейін тағы да көрсетті. Сиыр етін сату көлемі бойынша Қостанай облысы көш бастады. Өңірдің жәрмеңкелерінде рекордтық көлемдегі 83 тонна ет сатылды. Елордада 61 тонна, Абай облысында 19 тонна сатылды. Сиыр етінің бағасы бір келіге 2400-ден 3700 теңгеге дейін өзгерді, ең төмен баға Қызылорда облысында: 2400-2500 теңге болды», деп хабарлады ведомство. 

 Сауда және интеграция бірінші вице-министрі Айжан Бижанова жәрмеңкелер өндірушілер үшін де, тұтынушылар үшін де сұранысты алаң болып қалатынын атап өтті.

«Бұл жерде тұрғындар азық-түлікті тікелей өндірушілерден сатып ала алады, бұл 10-15% -ға арзан. Жыл соңына дейін еліміздің барлық өңірлерінде 1300-ден астам жәрмеңке өткізу жоспарланған, бұл халыққа қыс маусымына дейін тиімді бағамен азық-түлік сатып алуға мүмкіндік береді», - деді ол.

 Сиыр етінің бағасының едәуір қымбаттағаны туралы көктемнен бастап айтыла бастады, шілденің соңына қарай еттің осы түрінің құны келісіне 5000 теңгеге жетті.

Тамыздың аяғында Ауыл шаруашылығы министрлігі сиыр етінің құны тұрақты болып қалатынын мәлімдеді, бірақ әлемдік бағалардың да рекорд жаңартып жатқаны тағы бар.

20 қыркүйекте Ауыл шаруашылығы министрлігі мәселе бар екенін мойындап, баға неден құралатынын тәптіштеп түсіндіруге тырысты.

Осы орайда айта кетсек, әлеуметтік маңызы бар азық-түлік тауарлары бағасына жүргізілген мониторинг қорытындысы бойынша, Шымкент қаласында жыл басынан бері 200-ден астам кәсіпкер жауапқа тартылды.