Еліміздің конькиші қыздары Олимпиада-2026 ойындарында үздік ондыққа енді

Қазақстандық конькишілер Надежда Морозова мен Елизавета Голубева Қысқы Олимпиада ойындары – 2026 аясында үздік он спортшы қатарына кірді, деп хабарлайды Orda.kz.

Қазақстан Республикасы Ұлттық Олимпиада комитетінің мәліметінше, әйелдер арасында 3000 метр қашықтыққа конькимен жүгіру жарыстары Италияда Олимпиада бағдарламасы шеңберінде өтті. Бұл спорт түрінен Қазақстан атынан екі спортшы қатысып, екеуі де жоғары нәтиже көрсетіп, үздік ондыққа кірді.

Надежда Морозова мәреге алтыншы болып жетіп, 4 минут 01,200 секунд нәтижесін көрсетті. Ал Елизавета Голубева 4 минут 03,300 секунд уақытпен оныншы орынды иеленді.

Олимпиадалық алтын жүлдені жаңа Олимпиада рекордымен италиялық Франческа Лолобриджида жеңіп алды — 3 минут 54,280 секунд. Күміс медаль норвегиялық Рагне Виклундқа бұйырды (3:56.540), ал қола жүлдені канадалық Валери Мальте иеленді (3:56.930).

Айта кетейік, бұған дейін Қазақстан Қытайда өткен жеңіл атлетикадан Азия чемпионатында алтын медаль жеңіп алған болатын.

Оқи отырыңыз:

• Италияда Қысқы Олимпиада-2026 ойындарының ашылу салтанаты өтті
• Dubai SWAT Challenge: Қазақстан атынан 5 құрама команда бақ сынайды
• Бұрынғы ректор ҚазҰПУ ғимаратын жалға беріп табыс тапқан – прокуратура нысанды қайтарды