Еліміздің барлық мектептерінде шұғыл түрде ата-аналар жиналысы өтеді

23-27 қыркүйек аралығында оқу-ағарту министрлігі еліміздің барлық мектептерінде балалардың қауіпсіздігіне арналған ата-аналар жиналысы өтетінін мәлімдеді, деп хабарлайды Orda.kz 

«Жиналыста ата-аналардың бала өміріндегі, сондай-ақ онлайн кеңістіктегі қауіпсіздігіне қатысты жауапкершілігі туралы сөз қозғалады»,  деп жазды министрліктің баспасөз қызметі.

Айта кетейік, Қазақстанда оқу жылы басталмай жатып оқушылар арасындағы суицид көбейіп кетті. Бала құқықтары жөніндегі уәкіл Динара Зәкиеваның айтуынша, қазір елімізде суицид жасайтын балалардың орта жасы 11-13 жасқа дейін жасарып кеткен.

 Оқу-ағарту министрлігі ата-аналар жиналысында соңғы жағдайларға байланысты қазір ата-аналар арасында «балалар қауіпті ойын ойнайды» деген пікірдің тарағандығын және бала қауірсіздігі жайлы талқыланатын айттты.

«Бала қауіпсіздігі ата-ана, педагог пен әрбір ересек адам үшін бірінші орында болу керек.  Баламен ашық диалог құру, оның өміріне ұдайы қатысып отыру, цифрлық құрылғыларды бақылау және баламен қауіпсіздік тақырыбында әңгімелесу маңызды. Бұл проблемалардың алдын алуға көмектесетін негізгі қадамдар. Ата-аналардың міндеті тек баланың жүріс-тұрысын бақылап қана қоймай, сонымен қатар өз баласымен оны әрқашан тыңдауға және көмектесуге дайын екенін білдіретін сенімді қарым-қатынас қалыптастыру. Бала біздің болашағымыз, олардың қауіпсіздігін сақтау тікелей бізге байланысты»,— деді оқу-ағарту министрлігі балалардың құқықтарын қорғау комитетінің төрағасы Насымжан Оспанова.