Еліміздің барлық аумағында дауылды ескерту жарияланды

Қазақстанның барлық аумағында дауылды ескерту жарияланды

Қазгидромет 1 қаңтарда ауа райының қолайсыз болатынын ескертеді, деп хабарлайды Orda.kz.

Астана, Ақмола, Павлодар, Қостанай, Шығыс Қазақстан облыстарында, сондай-ақ Абай облысында бұрқасын, көктайғақ күтеді.

Синоптиктер Солтүстік Қазақстан облысында жаңбыр мен қар түрінде жауын-шашын, бұрқасын болады деп болжап отыр.

Атырау облысында оңтүстік-батыстан соғатын желдің күші 15-20 м/с жетеді.

Ұлытау облысында қар жаууы мүмкін, Маңғыстау облысында көктайғақ болуы мүмкін.

Қарағанды, Ақтөбе, Батыс Қазақстан облыстарында да қар жауады.

Түркістан, Жамбыл облыстарында тұман түседі.