Еліміздің балуандары Иорданияда өткен әлем чемпионатында күміс және қола жүлде алды

Иорданияның астанасы Амманда 17 жасқа дейінгі жасөспірімдер арасындағы еркін күрестен әлем чемпионаты өтті. Онда қазақ балуандары күміс пен қола жүлде жеңіп алды, деп хабарлайды Orda.kz.

Қазақстан Республикасы Ұлттық Олимпиада комитетінің мәліметінше, 2024 жылдың 24 тамызында қазақстандық еркін күрес балуаны Едіге Қасымбек (110 келі) күміс жүлдегер атанғаны белгілі болды. Финалда америкалық Майкл Мочаға алтын берілді.

Сонымен қатар, Бақдәулет Әкімжан (65 келіге дейін) 17 жасқа дейінгі жасөспірімдер арасындағы күрестен әлем чемпионатының қола жүлдегері атанды. Қола жүлде үшін белдесуде грузин балуаны Рати Ревазашвилиден басым түсті.

Сонымен қатар бұған дейін хабарлағандай, Астанадағы «Сайран Аренада» 24 тамыз күні Қазақстан мен Тәжікстанның футзал құрамалары екінші жолдастық кездесуін өткізді.