Еліміздің әуе компаниясы барлық бағыттар бойынша жеңілдік жариялады

Қазақстандық QAZAQ AIR әуе компаниясы барлық бағыттарға 15% жеңілдікпен әуе билеттерін сатуға арналған екі күндік акция жариялады, деп хабарлайды тасымалдаушының баспасөз қызметі.

15% жеңілдікпен билеттерді 8 және 9 ақпанда сайттан сатып алуға болады.

Тек 8 және 9 ақпанда билеттерді QAZAQ AIR веб-сайтында субсидияланған рейстерді қоспағанда, барлық бағыттар бойынша 2025 жылдың 8 ақпанынан 25 қазанына дейінгі билеттерді 15% жеңілдікпен сатып алуға болады.

Сондай-ақ, авиакомпания ақпан айының соңына дейін барлық бағыттар бойынша спорттық құрал-жабдықтарды (шаңғы құралдары, сноуборд жабдықтары, конькилер) тегін тасымалдау акциясын өткізіп жатқанын еске салды. 

Қосымша ақпаратты авиакомпанияның байланыс орталығынан және компанияның веб-сайтынан алуға болады.