Еліміздің төрт аймағында баға келісушілігі тіркелді

Еліміздің төрт аймағындағы базарларда  құс еті мен қант бағасы  келісушілігі анықталды.

Қазақстанның төрт облысындағы базарларда  құс еті мен қант бағасы келісушілік белгілері анықталды, деп хабарлады Премьер-Министрдің баспасөз қызметі.

«Соңғы аптада Бәсекелестікті қорғау және дамыту агенттігі Жамбыл, Солтүстік Қазақстан, Қызылорда және Ақтөбе облыстарында құс еті мен қант нарығының субъектілеріне бағалық сөз байласу және үстем жағдайды теріс пайдалану белгілері туралы 10 хабарлама жолдады» делінген хабарламада.

Сондай-ақ, Алматы, Атырау және Шығыс Қазақстан облыстарындағы тауар өндірушілермен, көтерме жеткізушілермен және бөлшек сауда желілерімен алты монополияға қарсы сәйкестік актісі жасалғаны атап өтілді.

«Жалпы республика бойынша 160 монополияға қарсы сәйкестік актісі жасалды» деп хабарлады Премьер-Министрдің баспасөз қызметі.