Еліміздің үш қаласынды «Ashyq» мобильді қосымшасы іске қосылады

ҚР Бас мемлекеттік санитар дәрігері Ерлан Қиясов «Нұр-Сұлтан, Алматы және Қарағанды қалаларында кәсіпкерлік объектілерде «Ashyq» мобильді қосымшасын енгізу бойынша пилотты жүргізу туралы» №7 қаулыға қол қойды.

«Ashyq» пилоттық жобасы төмендегі кәсіпкерлік субъектілерде:
1) фитнес-клубтар;
2) спа-орталықтар;
3) сауналар,бассейндер;
4) компьютерлік клубтар (18 жасқа дейінгі адамдарды қоспағанда);
5) боулинг клубтарда іске асырылады.

Қаулыға сәйкес, пилотқа қатысатын кәсіпкерлік нысандарда әлеуметтік-экономикалық объектілердің жұмысын шектеудің мынадай өлшемшарттары қолданылады: коронавирус инфекциясымен сырқаттанушылық деңгейі жоғары өңірлерде (қызыл аймақ) коронавирус инфекциясымен сырқаттанушылықтың орташа деңгейі (сары аймақ) үшін әлеуметтік-экономикалық объектілердің жұмысын шектеу өлшемшарттары қолданылады;

– коронавирус инфекциясымен сырқаттанушылық деңгейі жоғары өңірлерде (қызыл аймақ) коронавирус инфекциясымен сырқаттанушылықтың орташа деңгейі (сары аймақ) үшін  әлеуметтік-экономикалық объектілердің жұмысын шектеу өлшемшарттары қолданылады;

– коронавирус инфекциясымен сырқаттанушылық деңгейі орташа өңірлерде (сары аймақ), коронавирус инфекциясымен сырқаттанушылық деңгейі төмен (жасыл аймақ) әлеуметтік-экономикалық объектілердің жұмысын шектеу өлшемшарттары қолданылады.

Нұр-Сұлтан, Алматы және Қарағанды қалаларында пилотқа қатысатын кәсіпкерлік субъектілері:
пилотқа қатысатын кәсіпкерлік объектілерге келушілерді  кіргізу олар үй-жайға кіреберісте немесе шығаберісте көрсетуі үшін келушінің мәртебесін айқындауға арналған арнайы QR-кодты сканерлеген жағдайда жүзеге асырылады:

• «жасыл» мәртебе – келуші деректер базасында COVID-19-ға теріс нәтижемен ПТР-тестілеуден өткен ретінде көрсетілген;

• «көк» мәртебесі – ПТР тестілеу нәтижелері жоқ, COVID-19 науқаспен  байланыста болған ретінде есептелмейді;

• «сары» мәртебе – деректер базасында COVID-19 науқаспен  байланыста болған ретінде көрсетілген;

• «қызыл» мәртебе – базада COVID-19-қа оң нәтижемен тіркелген.

Келушіде смартфон болмаған жағдайда кәсіпкерлік нысан қызметкері келушінің келісімімен ақпараттық жүйеде оның мәртебесін тексереді.

Осылайша, мәртебесіне сәйкес оқшаулауға жататын келушілердің пилотқа қатысатын кәсіпкерлік объектілерге кіруіне жол берілмейді.

Ал «қызыл» мәртебесіне сәйкес оқшаулауға жататын келушілер анықталған кезде Санитариялық-эпидемиологиялық бақылау комитетінің аумақтық департаменттерін хабар беру керек.

Қаулы қол қойылған күннен бастап күшіне енеді.