Еліміздің мегаполисі Алматыда енгізілген жаңа карантиндік шаралар

Премьер-министрдің орынбасары Ералы Тоғжанов пен Алматы әкімі Бақытжан Сағынтаев мегаполистің медициналық қауымдастығымен өзекті мәселелерді талқылады, деп хабарлады қала әкімдігінің баспасөз қызметі.

Тоғжанов мегаполистің басшылығы мен санитарлық қызметіне:

Кеңсе жұмысшыларының 60-80%-ын қашықтықтан жұмыс істеуге шақырып, 15 адамнан көп жұмыс істемеуін қадағалау;

Мектепке дейінгі мекемелерде қосымша кезекші топтардың, қала мектептерінде кезекші сыныптардың ашылуын тоқтата тұру;

Сауда-ойын-сауық орталығының, сауда нысандарының жұмысын сенбі күндері 17:00-ге дейін, жексенбіні тазалық күні деп жариялау;

Бас санитарлық дәрігердің қаулысы талаптарын сақтай отырып, ұжымдық іс-шаралар өткізбеу, тамақтану орындарының, оның ішінде сауда және ойын-сауық орталықтарында орналасқан, 50-ден көп емес орынмен 19.00-ден 23.00-ге дейін жұмыс істеуге рұқсат ету;

Өнеркәсіптік, құрылыс, көлік кәсіпорындарының жұмысшыларын жеткізу және тасымалдау үшін ұйымдарға ресми көліктер ұсыну;

Бас санитарлық дәрігердің қаулысы талаптарын сақтай отырып, жұмыс күндері сағат 10: 00-ден 18:00-ге дейін, сенбіде 10:00-ден 15: 00-ге дейін жұмыс кестесін белгілей отырып, ХҚКО жұмысын ұйымдастыру;

Туризм нысандарының жұмысын тестілеу режимінде белгіленген шектеу шараларын сақтай отырып жалғастыруды тапсырды.

Пандемия басталғаннан бері Алматыда 668 мың ПТР зерттеуі жүргізілді.

Қазан айынан бастап мониторингтік топтар 428 нысанды қамтыған 518 іс-шара өткізді. Олардың ішінен 956 нысанда талаптардың бұзылуы анықталып, шектеу шаралары сақтамағаны үшін әкімшілік құқық бұзушылық туралы 789 хаттама жасалды.

Сонымен бірге, пандемияның жаңа толқынына орай, Алматыда сыйымдылығы 7011 төсек-орынға арналған 23 медициналық клиника, оның ішінде 250 қарқынды терапия мен үш жаңа инфекциялық аурухана салынды. Екі клиника қайта жаңартылды.