Еліміздің әлеуметтік-экономикалық жағдайын зерттеуге 1,5 миллиард теңге кетеді

Қазақстанның әлеуметтік-экономикалық жағдайын зерттеуге 1,5 миллиард теңгеге жуық қаржы сұралып отыр.

«Бюджеттік бағдарлама бойынша шығыстардың жалпы сомасы («Қазақстан Республикасы мен Экономикалық ынтымақтастық және даму ұйымы (ЭЫДҰ) арасындағы ынтымақтастық шеңберінде Қазақстан Республикасының әлеуметтік-экономикалық жағдайына зерттеулер жүргізу) : 2022 (ағымдағы жылдық жоспар) – 162 449; 2023 жыл (жоспарлы кезең) – 436 000; 2024 ж. – 654 000; 2025 - 218 000» делінген бюджеттік бағдарлама жобасында.

Қаражатты бөлу мақсаты ретінде  «ЭЫДҰ нормалары мен ұсыныстарына сәйкес қазақстандық заңнаманы біріздендіру»  аталды.

«Бюджеттік бағдарламаның шығыстары Қазақстан Республикасының әлеуметтік-экономикалық жағдайына сараптама жүргізуге бағытталған. Қазақстанның ЭЫДҰ комитеттері мен жұмыс органдарына қатысуы шеңберінде ЭЫДҰ ұсыныстарын диагностикалау және енгізу мақсатында ел экономикасының әртүрлі секторларында зерттеулер жүргізілуде»  делінген жоба сипаттамасында.

Міндеттер келесідей: «халықаралық ұйымдардың  зерттеу нәтижелері бойынша енгізілген деректер  ұсыныстарының үлесі  2023 жылы 15% құрайды; 2024 жылы – 15,5%; 2025 жылы – 16% құрайды».