Еліміздің бас дәрігері азаматтарға Түркияға бармауға кеңес берді

Ерлан Қиясов отандастарын эпидемиологиялық жағдайы қолайсыз елдерге барудан аулақ болуға шақырды.

Бұл туралы Orda.kz Ведомствоаралық комиссияның Telegram каналына сілтеме жасап хабарлады.

Жақындарыңыздың өмірі мен денсаулығы үшін шетелдегі демалысты кейінге қалдырыңыздар.

– Сіздерден коронавирустық инфекция кең таралған аймақтарға барудан аулақ болуларыңызды сұраймын. Қазіргі кезде бұл Үндістан, Түркия, Еуропаның кейбір елдері, Латын Америкасы, Оңтүстік-Шығыс Азия, - деді Қазақстанның бас дәрігері.

Ол «жылдам жүретін және таралатын коронавирустық инфекцияның жаңа штамдары қоғамға, тұтастай денсаулық сақтау жүйесіне өте қауіпті» деп атап өтті.

– Демалысты кейінге қалдырыңыз, өйткені бұл сіздің денсаулығыңыз ғана емес, жақындарыңыздың өмірі, - деп аяқтады Ерлан Қиясов.